To yawn or yawning

 اوٻاسيءَ کي  yawn چئبو آهي. اهو اسم آهي  اوٻاسي ڏيڻ کي To yawn يا Yawning چئبو آهي ۽ اهو فعل آهي  اوٻاسيءَ جا ٻيا به ڪيترائي سبب ٿي سگهن ٿا، پر گهڻو ٿڪاوٽ جي ڪري اوٻاسي ايندي آهي، تنهنڪري، اٺ ڪلاڪ ننڊ ضروري آهي. جيڪڏهن ننڊ مڪمل هوندي ته هروڀرو اوٻاسيون نه اينديون

 اوٻاسيءَ سان ٻيا به سلهاڙيل لفظ آهن جهڙوڪ

  Smoother a yawn

 اوٻاسيءَ جي زور کي گهٽائڻ يا نرم ڪرڻ

   Strangle a yawn

 اوباسيءَ کي گُهٽائڻ يعني زور سان دٻائڻ

 Stifling a yawn

اوٻاسيءَ کي دٻائڻ

 Stifle لفظ جي معنيٰ آهي دم گُهٽائڻ يا منجهائڻ ۽ strangulate جي معنيٰ به ساڳي آهي پر جڏهن اوٻاسيءَ سان اهي ٻئي لفظ گڏائي استعمال ڪجن ٿا، جيئن مٿي ٻه لفظ ڏنا ويا آهن ته ان جو مطلب آهي اوٻاسيءَ کي گهٽو ڏيڻ يعني منجهائڻ

اوٻاسي انڪري ايندي آهي جو آڪسيجن گهٽجي ويندي آهي، تنهنڪري، ننڊ پوري ڪبي ته ائين نه ٿيندو ته اوٻاسي به گهٽ ايندي، جيڪڏهن اوٻاسي اچي ته وات کي هٿ ڏجي ان جي زور کي گهٽائجي ۽ وڏا وڏا گهرا ساهه کڻجن يا اٿي ڪري گهمجي ۽ ساهه کڻجن  اوٻاسي اهڙي شيءِ آهي، جنهن کي اوهان هڪ ڦهلجندڙ وبا چئي سگهو ٿا، سڀني اهو نوٽ ڪيو هوندو ته جڏهن اوٻاسي ڏبي آهي ته ٻيو به ڏيندو آهي ۽ جڏهن ٻيو اوٻاسي ڏيندو ته اوهان به ڏيندا انڪري اها ڦهلندڙ يعني contagious آهي

 اوٻاسيءَ کان بچاءَ جا اهم طريقا

  پهريان ته ننڊ پوري ڪجي

 جي ننڊ پوري نه هجي ته وڏا وڏا ساهه کڻجن

پاڻ کي مصروف ڪجي

 ورزش ڪجي

 جيڪڏهن اوهان اڳيان ڪو اوٻاسي ڏئي ته ان کان پري ٿيو ۽ پاسو ڪيو

انگريزي ته سکجي اها اڄ جي ضرورت آهي پر پنهنجي صحت تي به ڌيان ڏجي، صحت سٺي هوندي ته انگريزي به ماڻهو جلد سکي وٺندو، پنهجو گهڻي کان گهڻو خيال رکو ۽ خوش رهو

  حسام ميمڻ

 11/12/2012